Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի.
Թե ուզում ես չսուզվել ճահճուտները անհունի —
Պիտի աշխարհը սիրես ու աշխարհով հիանաս:
Այնպե՜ս արա, որ կյանքում ո՜չ մի գանգատ չիմանաս,
Խմի՜ր թախիծը հոգու, որպես հրճվանք ու գինի.
Որքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի…
Ե. Չարենց
- Բացատրի՛ր այս տողերը՝ Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի:
Այս տողերում գրված է, որ պետք է սիրել, հոգ տանել, խնամել աշխարհը և աշխարհը կլինի ավելի անուշ ու ցանկալի։ - Բացատրի՛ր բառերը՝ անհուն, գանգատ, հրճվանք:
Անհուն-անծայր
Գանգատ-դժգոհություն
Հրճվանք-մեծ ուրախություն - Բանաստեղծությունը վերնագիր չունի, վերնագրի՛ր:
Ես բանստեղծությունը կվերնադրեի «Ինչքան աշխարհը սիրես « - Բանաստեղծության տողերից մեկը դարձնել վերնագիր,այդ վերնագրով գրել շարադրություն:
«Ինչքան աշխարհը սիրես «
Մենք բոլորս աշխարհի մի մասնիկն ենք։ Աշխարհում արգելվում է կեղտոտել տարածքը և վնասել բնությունը։ Այդ պատճառով մեր դպրոցի սովորողները և ուսուցիչները շատ հաճախ մաքրում են դպրոցի տարածքը։ Սիրել աշխարհը նաև նշանակում է սիրել ընտանիքի անդամներին, ընկերներին, հարազատներին, կենդանիներին, նշանակում է սիրել ու ժպտալ մարդկանց, օգնել կարիքավորներին, խնամել բնությունը և պաշտպանել կենդանիներին։